1/2

.السلام

اول حاجة قبل ما نبدا اي شي  حابة نشكر الناس كلها اللي كنعرف شخصيا 

ونشكر الأصدقاء يا جداد يا لقدام اللي عاونوني فكل خطوة درت.
ما يمكنليش نطلب كتر من الدعم و الحب اللي عطيتوني
كنحس براصي ما كاين تا حد عندو الزهر بحالي .

هاد الشي اللي غادا نكتب
الصراحة كنت حاباه يكون فيديو، ولكن بالخبرة المنعدمة ديالي حطيت سلاحي الارض…وقلت نكتب حسن ….اللهم العمش ولا لعمى
 اللي غادا ندير …انكتب عليا
آه عليا
علاش؟
حيت باج ديالي و ندير اللي بغيت انا ههههههع
اسيادي بغيت ندير بحال تقديم ….علا الله يجاوب على الأسئلة اللي كطرحو عليا ديما.
شكون igmorocco
انا إنسانه  ……..أه و الله هههه
اسمي ” صارة ” ( الواليد بغاها بحرف الصاد ) قاليك خالف تعرف هههه
مسلمة و الحمدلله متزوجة بشخص كنعتبرو صديق و اخ و اب . يا ربي ترزق البنات بحالو .
تزاديت و كبرت بمدينة ” القنيطرة ” عاصمة الغرب
انا اكبر وحدة بين خوتي …اللي هما خديجة و الصغير إسماعيل.
واليديا الله يطول فعمرهم و عمر لعزيز عليكم مازال عايشين.
الواليدة ممرضة و الواليد أستاذ بيطري.

درست ادب انجليزي فالجامعة  ومن ساليت تنادم معايا الحال ..قلت لاش انا قريت شي حاجة ما كتعجبنيش …و من زهري هنا فالسويد العمر ما كيهمش امتى ما حبيتي تغير دراستك…غير واخا تكون مازال ليك جوج خطوات لقبر .
الصراحة …ما تخيلتش راصي بين الحيوط كنقري فالبزاقل حياتي كلها.
ف درت تغيير جذري
من الادب ولينا فالماكياج و تتطوال الشعر و دكشي ههه
خديت دبلوم و دابا خدامة فصالون كخبيرة تجميل و زرع رموش و شعر…..النصب وصافي هههه
كنتكلم ….سويدي…عربي ..انجليزي فرنسي…..و مغريبي…مادام العرب هنا هالكيني ب لوغتك ماشي عربية ….قلت مزيانا …نزيد نعيق بيها ههه.
فيا 1.78 م
كنت كنلعب كرة اليد ومرا مرا كنلعب لا لقيت شي شارفات قدي .
كنلعب القيتار او الغيتار
و كنت كنغني مع كورال يامات الهنا ههه
كنرسم من تتكون راشقاليا…داكشي علاش كنرسم مرة فالعام هههه.
كنحب فصل الخريف حيت البرد كيهلكني  و الصهض كيقتلني.
والربيع عندي حساسيا من الورد ههههه  بقالي غا الخريف خديتو .
مالاغا احب مدينة علا قلبي .
من اغرب الأشياء فيا….كنعقل علا الاغاني اللي كنبغي …حافضاهم و كارداهم هههه .من ديما الواليدة مسكينة كانت تتقول ليا….مصاب كن كنتي تحفضي كتوباتك كي هاد لعجب اللي كتسمعيلو.
حيت الواليدة تتسمي الراب و الهيب هوب عجب هههه
ولا مسكونين .
ما دمت جبدت الواليدة….انا لواليدة عندي دايرة ليا غسل الدماغ ولا كي لمونيكة ….كدير فيا ما بغات و ما كنزويش حداها….مبهدلاني و كنحب تبهديلها ليا ههههه و كنخاف منها

و كنخاف من العلو  و من العومان
ما عمري اصلا عرفت نعوم…..غا كنت كنتخبا بين الموجات هههه
كنخاف من لعناكب ولكن انا واعرة ما كنخافش من صراق الزيت ههههه
كنحب القهوة ….لا ما شربتهاش كا نكون انسانة غريبة.
كنحب السوشي ( كيليمينيا فهاد.القضية )  كنحب الكسكس …..هاد الجوج ناكلهم كل نهار يدون ملل

كنحب برشلونة  و من زهري راجلي و خويا كيحبوهم ….اما الواليد كنحسو مع الرابحة .
حلمي ……….عندي بزاف صراحة
ولكن احلام تتبان للبعض عادية ولكن بالنسبة ليا هي كلشي .
كنتمنى يكونو عندي جوج ولا تلاتة ديال الدراري و نتينى بنيتة المهم تكون عندي تدكيسة هههه
و نمشي انا و عائلتي كلنا لمكة انشاء الله .
دابا لا سمحتو
انتكلم على ذكائي ههههه
فالرياضيات كنصنف نفسي قرب نقطة الانعدام ….الزائد و كنتلف فيه
ولا ركزت مووووومكن نقصم ههه الاي بقى غا إشاعة.
كنحب الالوان الغامقة  …و الألوان الفاتحة فضفاري